ថៃ៖ កាលពីថ្មីៗនេះ បើយោងតាមរយៈហ្វេសប៊ុកមួយឈ្មោះ “ภูนั่งยอง cafe’” បានបង្ហោះរូបភាពជាច្រើនសន្លឹកបង្ហាញពីមីងម្នាក់ ដែលមានគំនិតល្អខ្លាំងណាស់ ដែលអាចឆ្នៃឬស្សី ដោយយកទៅចិតស្តើងៗ និងបិតចេញជារបស់មួយ ដែលអាចប្រើសម្រាប់យួរកែវកាហ្វេ និងកែវភេសជ្ជៈផ្សេងៗទៀតបាន អាចជំនួសក្នុងការប្រើប្រាស់ថង់ប្លាស្ទិក ជាពិសេសនោះគឺជួយដល់បរិស្ថានទៀតផង។
ក្រោយពីឃើញបែបនេះហើយ បានធ្វើឲ្យមហាជនជាច្រើនក្នុងប្រទេសថៃមានការចាប់អារម្មណ៍ជាខ្លាំង នូវគំនិតឆ្នៃប្រឌិតមួយនេះ ជាពិសេសនោះ គឺជួយបរិស្ថានតែម្តង ដោយឫស្សីដែលគាត់បិតនេះ អាចជំនួសថង់ប្លាស្ទិកបាន។ ក្នុងនោះ អ្នកដែលបានកាន់ប្រើរបស់នេះហើយ ក៏លាន់មាត់សរសើរថា “ខ្ញុំចូលចិត្តរបស់នេះណាស់ ពិតជាស្អាតថែមទៀត” ព្រមទំាងមានការចែករំលែកនូវរូបភាពទាំងនេះ ជិត១មុឺនដងបាត់ទៅហើយ គិតត្រឹមថ្ងៃទី១៥ ខែមិថុនា ឆ្នាំ២០១៩ នេះ៕
ប្រភព៖ share4lives
