ឱក សុគន្ធកញ្ញា និងស្វាមី បានទៅម្តងទៀតហើយ តែលើកនេះ នាំ ឆលី ទៅដែរ មើលទៅមុខ ឆលី ទៅដឹងហើយ សប្បាយជាង ប៉ាៗ ម៉ាក់ៗទៀត…(មានវីដេអូ)

ប្រិយមិត្តជាច្រើនពិតជាបានជ្រាបរួចមកហើយថា កាលពីកន្លងទៅ នាថ្ងៃទី ២២ ខែមីនា ឆ្នាំ ២០១៩ មុនពេលមាន ឆលី គេឃើញ ឱក សុគន្ធកញ្ញា បានទៅដល់កន្លែងមួយ មានទេសភាពស្អាតត្រជាក់ភ្នែក គួរឲ្យទាក់ទាញជាខ្លាំង។

កាលនោះ កញ្ញា បានប្រាប់ថា “នេះជាកន្លែងលាក់ខ្លួនមួយដ៏អស្ចារ្យ ពេលមកដល់មានអារម្មណ៍ថាស្ងប់ស្ងាត់ស្រស់ថ្លាជាមួយធម្មជាតិបៃតង​វាលស្រែដើមត្នោត ផ្ទះខ្មែរដ៏ស្រស់ស្អាត ជាពិសេសនៅលើទឹកដីអច្ឆរិយ នៃខេត្ត សៀមរាប..! ពេលបានមកដល់ហើយពិតជាមិនចង់ឃ្លាត អរគុណចំពោះការទទួលយ៉ាងកក់ក្តៅពី ភូមិបៃតង”។

                

នៅទីបំផុត នាថ្ងៃទី ២៣ ខែកុម្ភៈ ឆ្នាំ ២០២១ នេះ គេឃើញ ឱក សុគន្ធកញ្ញា បានទៅដល់ជាលើកទី២ ជាពិសេស ថែមទំាងបាននាំកូនប្រុសសំណព្វចិត្ត គឺ ឆលី ទៅដល់ទីនោះថែមទៀតផង ។

ស្វាមី តារាចម្រៀងស្រីរូបនេះ បានបញ្ជាក់សារយ៉ាងខ្លី ប្រាប់ថា “ទីបំផុតបានមកស្នាក់នៅកន្លែងនេះម្តងទៀត ជាមួយCharlie គ្រាន់តែលើកមុន Charlie មិនទាន់កើត ….”។

ក្រោយឃើញ រូបភាពស្អាតៗ អមដោយទេសភាពដ៏ទាក់ទាញទាំងនេះភ្លាម អ្នកប្រើប្រាស់ហ្វេសប៊ុកជាច្រើន បានចូល comment ថា ៖ Sweet ទាំងព្រឹកហ្មងបង​, ស្អាតខ្លាំងបង, ស្រស់ស្រាយ, នៅកន្លែងណាបង ទេសភាពគួរអោយចង់ទៅ, ឆាលីមុខឡេីងតួឯកម៉ងបង​ សង្ហារតាំងពីក្មេងបាត់ហើយ, មើលទៅមុខ ឆលី សប្បាយដល់ហើយ។

តោះដើម្បីជ្រាប កាន់តែច្បាស់បន្ថែមទៀត សូមទស្សនាទំាងអស់គ្នា ៖

          

Leave a Reply

Your email address will not be published. Required fields are marked *