បរទេស៖ កាលពីពេលថ្មីៗនេះមានរូបថតរបស់គូស្នេហ៍វ័យក្មេងជាច្រើនសន្លឹកពីភាគខាងកើតតំបន់ Java ប្រទេសឥណ្ឌូនេស៊ី។ នៅពេលនេះរូបថតបានចែកចាយពាសពេញបណ្តាញសង្គមធ្វីតថឺដោយកូនកំលោះមិនពាក់អាវនិងស្លៀកតែខោខ្លីប៉ុណ្ណោះ។មិនត្រឹមតែប៉ុណ្ណោះទេកូនកម្លោះរូបនោះថែមទាំងមានចំណងព្យួរដៃនឹងបង់រុំពីរបីកន្លែងនៅលើជង្គង់របស់គាត់ថែមទៀត។ ទោះយ៉ាងណាក្តីកូនក្រមុំដែលមើលទៅគួរអោយស្រឡាញ់បានស្លៀកពាក់សម្លៀកបំបាក់អាពាហ៍ពិពាហ៍តាមបែបប្រពៃណីជនជាតិ Java របស់នាង។ បន្ទាប់ពីធ្វីតថឺបានផ្សព្វផ្សាយអ្នកនិយមលេងអ៊ីនថឺណេតជាច្រើនមានការងឿងឆ្ងល់អំពីសម្លៀកបំពាក់និងមូលហេតុ ដែលកូនកំលោះបាន ស្លៀកពាក់បែបនេះ។យោងតាមគេហទំព័រ Kompas.com បានឲ្យដឹងថា កូនកំលោះរូបនេះបានជួបគ្រោះថ្នាក់ចរាចរណ៍មួយ។ កាលពីមុនថ្ងៃរៀបការគាត់បានធ្លាក់ពីលើម៉ូតូបណ្តាលឱ្យខ្លួនប្រាណរបស់គាត់រងរបួស។ បើយោងតាមសារព័ត៌មាន Mingguan Wanita បានរៀបរាប់ថា នៅពេលនោះកូនកំលោះមិនអាចស្លៀកសម្លៀកបំពាក់អាពាហ៍ពិពាហ៍បានទេ ពីព្រោះគាត់ទើបតែបានវះកាត់របួសស្មា ដោយសារតែគ្រោះថ្នាក់ចរាចរណ៍។ថ្វីត្បិតតែកូនកំលោះមើលទៅមិនសូវមានភាពញញឹមក្តីដូចបានសង្ឃឹមទុកក្នុងថ្ងៃមង្គលការក៏ដោយ ក៏គាត់ទទួលបានការកោតសរសើរយ៉ាងខ្លាំងចំពោះការចូលរួមពិធីមង្គលការរបស់គាត់ទោះបីគាត់មិនមានលក្សណាគ្រប់គ្រាន់ក៏ដោយ។ ពួកគេក៏បានពណ៌នាថា កូនកំលោះជាយុវជនដែលមានការទទួលខុសត្រូវខ្ពស់៕
Read More
