លោកជំទាវ ឧកញ៉ា ទ្រី ដាណា
“ផ្ទះជញ្ជាំងស័ង្កសី ធ្លុះធ្លាយដោយកន្លែង តែជាទ្រនំដ៏កក់ក្ដៅសម្រាប់ប្អូនស្រី ភាព ស្រីណាត់ ប្រឡងជាប់និទ្ទេស A ឆ្នាំនេះ ប្រឹងបន្តទៀត សរសើរការតស៊ូរបស់ប្អូនស្រីណាស់ នៅខាងវាលរេញ ខេត្តព្រះសីហនុ! នាងខ្ញុំនឹងជួយថវិកាខ្លះ សម្រាប់ការសិក្សាបន្ត”។
ថ្ងៃទី ២៣ ខែធ្នូ ឆ្នាំ ២០២២ ហ្វេសប៊ុកChanthoun Chanthounថា “ព្រោះតែបញ្ហាលំបាក ក្នុងជីវភាពគ្រួសារ ក្មួយស្រី ស្ទើតែលះបង់ការសិក្សា តែភាពតស៊ូ អំណត់ និងមានការលើកទឹកចិត្ត ពីគ្រប់មជ្ឈដ្ឋាន បានធ្វើអោយក្មួយស្រី ប្រឡងជាប់និន្ទេសA
ស្រុកព្រៃនប់-គ្រួសារលំបាកក្នុងជីវភាព ប៉ុន្តែក្មួយស្រី ភាព ស្រីណាត់ អាយុ១៨ឆ្នាំ រៀននៅ វិទ្យាល័យ ហ៊ុន សែន វាលរេញ ស្រុកព្រៃនប់ ខេត្តព្រះសីហនុ ប្រឡងបាក់ឌុប ជាប់បាននិទ្ទេសA ។ នាយក វិទ្យាល័យ ហ៊ុន សែន វាលរេញ ស្រុកព្រៃនប់ ខេត្តព្រះសីហនុ លោក ងៀម ស៊ីដារា អោយដឹងថា ក្មួយស្រីម្នាក់នេះជាសិស្សក្រីក្រ កន្លងមកធ្លាប់បាន ក្រុមកាងារចុះជួយមូលដ្ឋាន
លោកស្រី ប្រធានមន្ទីរអប់រំខេត្ត អាជ្ញាធរ និងសាលា រួមជាមួយសប្បុរសជន មួយចំនួន បានផ្តល់ជំនួយ ជាបន្តបន្ទាប់ ហើយគាំទ្រ និងលើកទឹកចិត្តមិនឲ្យបោះបង់ចោលការសិក្សា រហូតទទួលបាលលទ្ធផលបែបនេះ។
សុំបញ្ជាក់ថា វិទ្យាល័យ ហ៊ុន សែន វាលរេញ ស្រុកព្រៃនប់ ខេត្តព្រះសីហនុ ឆ្នាំសិក្សា ២០២១-២០២២នេះ សិស្សប្រឡងបាក់ឌុបជាប់បាននិទ្ទេសA មានចំនួន៤នាក់។ រូបភាពបង្ហាញពីសកម្មភាពលោកស្រីប្រធានមន្ទីរអប់រំខេត្ត អាជ្ញាធរ និងសាលា រួមជាមួយសប្បុរសជនមួយចំនួន បានផ្តល់ជំនួយ ជាបន្តបន្ទាប់ ពេលកន្លងមក (ប្រភពពី សាលា វិទ្យាល័យ ហ៊ុន សែន វាលរេញ ស្រុកព្រៃនប់)”។
ថ្ងៃទី ២៤ ខែធ្នូ ឆ្នាំ ២០២២ ឯកឧត្ដម គួច ចំរើន អភិបាល ខេត្តព្រះសីហនុ
“ក្មួយស្រី ភាពស្រីណាក់ រស់នៅជាមួយលោកយាយ មុខរបលាងចាន តាមរោងការរោងបុណ្យ ក្មួយរៀនផង ស៊ីឈ្នួល លាងម៉ូតូផង ផ្សំចំណូលគ្រួសារជាមួយលោកយាយ តែក្មួយរៀនពូកែណាស់ ប្រឡងបាននិទ្ទេស A ។ ក្មួយចង់ធ្វើគ្រូបង្រៀន សូមអោយអនាគត ក្មួយទទួលបានជោគជ័យ ។ វាលរេញ”។
ដើម្បីជ្រាបបន្ថែមទៀត សូមមើលរូបភាពថ្មីៗ ខាងក្រោមនេះ ៖
