តាមរយៈការធ្វើដំណើរឆ្លងកាត់រូងដែលមានប្រវែងសរុប ១៣,២៣២ម៉ែត្រ និងដែលជ្រៅជាងគេបំផុតនៅលើផែនដី(ជម្រៅរហូតដល់ទៅ២,១៩៧ម៉ែត្រ) អ្នកអាចទៅដល់ផ្នែកខាងក្នុងនៃផែនដីបាន ដូចនេះហើយទើបវាត្រូវបានគេស្គាល់ថាជា ច្រកចូលទៅផ្នែកខាងក្នុងនៃផែនដី។
រូង Krubera-Voronya ក៏ត្រូវបានស្គាល់ថាជា the EVEREST of caves ដែលក្នុងនោះចំណុចជ្រៅបំផុតរបស់រូងនេះគឺ ២,១៩៧ ± ២០ម៉ែត្រ។ រូងនេះស្ថិតនៅតំបន់ភ្នំArabika នៃជួរភ្នំGagra រដ្ឋGeorgia។ រូងនេះចែកចេញពី២គឺ មួយមានជម្រៅ១,៣០០ម៉ែត្រ និងមួយទៀតមានជម្រៅ២,១៩៦ម៉ែត្រ ។
គួរបញ្ជាក់ថា រូងនេះត្រូវបានរកឃើញនៅឆ្នាំ១៩៦០ ដោយអ្នករុករកនៅGeorgia ដែលចូលទៅជម្រៅ១៨០ម៉ែត្រ ហើយនៅដើមទសវត្សឆ្នាំ១៩៨០ Kiev Club បានរុករករូងនេះរហូតដល់ជម្រៅ៣៤០ម៉ែត្រ។ ឆ្នាំ១៩៩៩ ក្រុមUkrainian Speleological Associations បានរុករករូងទាំងពីរដែលក្នុងនោះរូងធំចូលដល់ជម្រៅ៧៤០ម៉ែត្រ ហើយរូងNekuybyshevskaya ចូលដល់ជម្រៅ៥០០ម៉ែត្រ។
ក្រោយមកនៅខែសីហា ឆ្នាំ២០០០ ក្រុមដដែលបានរុករកទៅដល់ជម្រៅ ១,២០០ម៉ែត្រ និងខែកញ្ញា ចូលដល់ជម្រៅ១,៤១០ម៉ែត្រ ព្រមទាំងការរុករកនាពេលបន្តបន្ទាប់ទៀត រហូតដល់ខែសីហា ឆ្នាំ២០១២ ក្រុមរុករកដែលមានសមាជិក៥៩នាក់ បានចំណាយពេល២៧ថ្ងៃ ចូលទៅដល់ជម្រោ២,១៩៧ម៉ែត្រ។
